القائمة الرئيسية

الصفحات

تعديل المشاركة

رواية أحزان قسمت 22

الكاتب محمد أبو النجا
(0)

رواية
 
 أحزان قسمت
 
الجزء 22

 

تأليف الكاتب محمد أبو النجا

 

 

 

(طبعاً مش مصدقه....!)

 

نطقت رحاب حمدى صديقة قسمت

 

جملتها وهى تنفى بيديها ورأسها

 

فى صدمه وذهول بوجه وملامح جاده

 

تقول :

 

عايزه تفهمينى إن خالد ثروت المطرب

 

المعروف اللى أى بنت تتمنى بس إنه

 

يشوفها ....

 

بيطاردك ..؟

 

كلام محدش يصدقه طبعاً ...

 

رفعت قسمت كتفيها :

 

والله براحتك انا

 

قولت لك اللى حصل ...

 

ودارت بجسدها داخل حديقه الجامعه

 

وهى تكمل :

 

بس انا تقريباً في المره الاخيره

 

قطعت كل العلاقه اللى بينا ...

 

ومعتقدتش إنه هيفكر تانى يجيلى

 

أو يطاردنى...

 

تضحك رحاب ساخره :

 

 انتى يابت

 

عقلك بقى بيخرف ...؟

 

بيتهيأله حجات ويصدقها ...

 

انا مش مصدقه حكاية خالد دى معاكى

 

خالص ..

 

مش منطقيه ...!

 

مطت قسمت شفتيها :

 

مش مهم تصدقى ...

 

رغم إنى مقولتش كل القصه اللى بنا ..

 

انا يدوب قولت لك بيطاردنى بس ..

 

لانى لو حكيت لك الباقى هيكون

 

صعب تقتنعى ...

 

رحاب فى ذهول :

 

 عايزه تفهمينى إن

 

فيه كمان حجات حصلت ..؟

 

تتسع حدقت عين قسمت وهى تقول

 

: يوووه كتير ...

 

رحاب فى سخريه : ها..

 

ومدام يعنى الموضوع

 

كده زحلقتيه ليه زى ما بتقولى ...!!

 

مش كان ارحم لك من اللى

 

 اسمه خميس ..؟

 

كنتى اتجوزتى خالد ...

 

ده لو كان كلامك صحيح ..

 

تتنهد قسمت :

 

 أولاً أنا اخاف اربط حياتى

 

ونفسي بشخصيه زى خالد ..

 

له معجبات كل يوم بتزيد ..

 

النهارده معجب بيه بكره هتحلى فى

 

عنيه غيرى...

 

المطربين دول اللى بيغنوه وبيقولوه

 

 غير اللى بيعملوه ..

 

 ‏وغير حياتهم ...

 

تنفى رحاب : انا مش معاكى فى الكلام ده

 

ليه هما مش بشر زيينا ..!

 

ليهم مشاعر وقلب بيحب ...؟

 

مش يجوز خالد لو كانت فعلاً قصتك

 

حقيقيه كان بيحبك ..

 

وعايز يتجوزك ..

 

تنفى قسمت : ثانيا ...

 

 هو معرضتش فكرة

 

الجواز عليه ...

 

ثالثاً انا مفيش فى قلبى له أى نوع من

 

المشاعر  ناحيته..

 

رغم إنه شاب وسيم ..

 

وأنيق .. وابن ناس كده وغنى ...

 

لكن محستش بأى مشاعر تجاهه ...

 

رابعاً مكنتش هوافق حتى لو اتقدم لى

 
























لأنى زى ما قولت لك

 

مش هعلق نفسي بعلاقه مع شخص هوائى ..

 

تبتسم رحاب ساخره :

 

أى إن كان هيكون

 

ارحم من خميس عبد القوى...

 

قسمت :

 

اللى تعرفوا احسن من اللى

 

متعرفوش ..

 

متنسيش إن خميس كان إختيارى ..

 

ومش عايزه حد يشمت فيه ..

 

ويقول إختارت ...

 

( صباح الخير )

 

تلفت قسمت لمصدر الصوت لذلك الشاب

 

طويل القامه شديد الوسامه ..

 

ومع قدومه تهللت أسارير رحاب وهى

 

تهمس بصوت خافت وقد وضح عليها

 

الإرتباك : صباح الخير يا مصطفى...

 

وأشارت رحاب إلى قسمت تقول

 

: اقدم لك صديقتى العزيزه قسمت ...

 

وعادت تشير ناحية الشاب تقول :

 

 الدكتور

 

( مصطفى مخلص ) زميلنا فى الكليه

 

ابتسمت قسمت وهى ترحب به

 

وهو يبادلها التحيه ..

 

ورحاب تقوم بغمز قسمت بعينها

 

دون أن ينتبه لذلك مصطفى وتلوح

 

بيديها تودعها قائله :

 

طيب ياقسمت

 

معلش استأذن انا معلش

 

كده شويه وهرجعلك ...

 

وغادرت رحاب وهى بصحبت مصطفى ..

 

وابتعدا يتحدثان ويضحكان ..

 

لكن قسمت لم تكن تشعر بالسعاده

 

من تلك العلاقه الجديدة...

 

كان قلبها يشتعل غيره ..

 

دون أن تستطيع السيطره

 

على غضبها ...

 

كانت تنفى من أعماقها ..

 

بالرفض ..

 

وعدم الرضا ..

 

 

 

**********

 

 

 

( ارجوك يا محمد متقولش ل نعيمه )

 

نطق صلاح جملته أمام محمد اخو نعيمه

 

 الذى اتسعت عيناه ينفى :

 

 ‏ ليه ياصلاح ..؟

 

صلاح بأعين حزينه : مش عايز نعيمه

 

تضايق أو تشيل من أختها قسمت ..

 

انته عارف نعيمه بتحبها قد إيه ..

 

محمد بصوت حازم :

 

 لاء يا صلاح

 

قسمت اتغيرت ..

 

مبقاتش قسمت اللى نعرفها ...

 

دى سابت الدنيا كلها وجت فتحت مطلبعه

 

قصادنا ...

 

بالآت حديثه وشغل للعملاء ارخص

 

واسرع طبعاً..

 

يعنى بإختصار بتقتل المطبعه هنا ...

 

وكل يوم هنخسر ...

 

لازم نعيمه تعرف وتكلمها ..

 

تفهمها إن اللى بتعمله ده غلط ..

 

يجوز تبعد عننا ...

 

ينفى صلاح : معتقدتش ...

 

قسمت من يوم ما اتجوزنا مفكرتش حتى

 

 تزور نعيمه أو تكلمها فى التليفون ...

 

وانته بنفسك قولت قسمت اتغيرت

 

ولو نعيمه كلمتها وجرحتها أو قالت لها

 

حاجه تزعلها انا مش هسامح نفسي ..

 

سيب الأمور تمشى واللى كاتبه ربنا

 

هو اللى يكون ...

 

يطلق محمد زفره حاره من صدره يقول

 

































: مش عارف اقولك إيه ..!

 

صلاح :

 

مش عايز حاجه تشوشر على مذاكرة

 

نعيمه ولا تزعلها فى فترة الحمل ..

 

يبتسم محمد فى هدوء

 

ليقترب منه صلاح ربت على كتفه بيده

 

يقول : اقدر اعرف ابتسمت ليه

 

محمد : يابخت نعيمه بيك ياصلاح ...

 

ينفى صلاح بالعكس يا محمد

 

انا اللى محظوظ اللى ربنا كرمنى بيها

 

نعيمه مش مراتى وبس دى امى ..

 

الحنيه اللى شوفتها منها من يوم

 

ما اتجوزتها خلتنى اعشق تراب رجليها ...

 

ربنا عوضنى بيها ...

 

وبقلبها اللى كله خير وحب ..

 

وطيبه ...

 

 

 

*******

 

 

 

أمام جهاز اللاب توب الخاص ب قسمت

 

كانت صفحة فيس (مصطفى مخلص) أمامها

 

تتصفحها ...

 

وتشاهد صوره ...

 

وتراجعت وهى تتنهد تقول

 

وهى تحدث نفسها :

 

بقى عايزه تعملى قصة حب يا رحاب ..!

 

وهو ده بقى حبيبك ...؟

 

مصطفى مخلص...!

 

اسم جميل وهو جميل ...

 

ثم تبدأ بعمل

 

صفحه وهميه جديده ....

 

بروفايل عليه صورة فتاة جذابه ..

 

 ارسلت له طلب صداقه ..

 

وعقلها يدبر خطه ليست بطيبه ...

 

فجأة جرس باب الشقه ...

 

تتحرك قسمت فى هدوء تنظر من

 

العين السحريه  لتجد أمامها

 

وجه ياسر ابن خميس ..

 

فتحت الباب فى غضب لتجد بجانبه

 

وليد الذى ظهر فجأة

 

قسمت بصوت عصبى

 

: نعم ...

 

عايزه إيه انته وهوه ...؟

 

ياسر  فى عصبيه : عايزين

 

 نتكلم معاكى ..

 

قسمت فى إنفعال :

 

 لكن ابوكم مش موجود ...!

 

لما..

 

يقاطعها وليد وهو يدفعها ويكبل

 

يديها ويكتم بأصبعه فمها ..

 

وقبل أن تدرك أو تفهم ما حدث

 

كان هناك سكين لامع يصدر بريقه

 

صوب عينيها المتسعه

 

التى اندفع فيها الرعب وهى تسمع

 

صوت ياسر الغاضب :

 

اتجوزتى ابونا وأشطتيه..

 

وعايزه تطلعينا بلوشى..

 

تطلعينا من المولد بلا حمص ...

 

إيد ورا وإيد قدام ..

 

خليتى ابونا كتب لك كل حاجه ..

 

انتى والمحروس اللى فى بطنك ..

 

لاء ..

 

فاكره الحكايه سهله ...؟

 

نسيتى لما قولت لك زمان

 

أننا مش لقمه سهله ...

 

أدينا هنثبت لك ...

 

حقنا مش هيروح...

 

ورفع ياسر سكينه الحاد وبكل غضب

 

وإنتقام هوى على صدر ...

 

قسمت ...

 

وانفجرت الدماء ...

 

وصنعت بركه كبيره ...

 

واخذت تشعر قسمت بالنهاية ..

 

وبرائحة الموت ..

إضغط هنا الجزء 23

 

 جميع أجزاء الرواية إضغط فى الأسفل على الجزء المطلوب


    إضغط هنا الجزء35

   إضغط هنا الجزء 36

 إضغط هنا الجزء 37

 إضغط هنا الجزء 38

 إضغط هنا الجزء 39


إضغط هنا الجزء 40


إضغط هنا الجزء 41

إضغط هنا الجزء42

إضغط هنا الجزء 43

إضغط هنا الجزء 44

إضغط هنا الجزء 45

إضغط هنا الجزء 46

إضغط هنا الجزء 47

إضغط هنا الجزء 48

إضغط هنا الجزء 49

إضغط هنا الجزء 50 والأخير 

قصص قصيرة  

 

 

 

 

 

 

 

 


هل اعجبك الموضوع :

أخر المواضيع من قسم : دراما

تعليقات

إرسال تعليق