القائمة الرئيسية

الصفحات

تعديل المشاركة

رواية السرداب الجزء 27

الكاتب محمد أبو النجا
(0)

 

رواية السرداب
الجزء 27
تأليف محمد أبو النجا

صباح يوم جديد

نوفمبر 2017

يقوم عمر بتثبيت صورته فوق الحائط

قائلاً لشاكر الذى يتابعه :

مش عارف اثبتها اكتر من كده

 خايف بعد ما انزل ألقيها تنزل وقعه ورايا

شاكر : ياعم انزل بقى وسيبها

على الله

عمر : ماشي بس اضمن حاجه افضل

 واقف لى السلم عشان الصورة متوقعش ..

يضحك خالد: افرض وانته متعلق فوق كده

 بقى اللى وقعت واتكسرت رقبتك..!

يهبط عمر من أعلى السُلم الخشبى

قائلاً بصوت غاضب : ياجماعه

 أنا مالى ومال السحر ..!

أنا دكتور صيدلى ..

ليه يتحكم عليه أعمل كل ده.!

شاكر : رغم انك ممكن تكون أقرب

 شخص فينا للإستجابه والتعليم

عمر : إيه علاقة السحر بالطب والصيدله ..؟!

خالد : شاكر يقصد ان ممكن يكون فيه

استجابه منك اكتر كونك طبيب يعنى ..

عمر : أفتكر فرصنا كلها متساويه

حضرتك محامى كبير

 وهو موظف فى وزارة الثقافه ..

يعنى المستوى التعليمى والفكرى بنا متقارب ...

شاكر : بجد انا مش مصدق اللى بعيشه ده

خالد : وأنا ديما بعاتب نفسي

وبندم إنى جيت هنا

عمر : أنا فكرت إنى هورث بس

والموضوع خلص

وفرحت بجد

وحلمت إنى بعت القصر



















 وبقيت من الأعيان

 بصيت لقيت اتنين شوراكه معايا

بصراحه من جوايا زعلت

يمكن فى الأول بس

 وأنا والله مش طماع

 وقولت ميهمش برضه القصر هيجيب كتير

لكن يوصل الأمر أن يكون حكم إجبارى

تعليم السحر..!

ده اللى ميخطرش على البال

شاكر : أنا لفيت فى القصر حاولت

 ادور على اى مخرج ملقتش

عامل زى المتاهه ..

قصر غريب ..

ومرعب

خالد : وانا حاولت برضه مقفول من كل إتجاه

شاكر : مينفعش نتنازل لواحد فينا عن القصر والسحر..؟

عمر : مش نسيم قالك أحنا مأموريين ومجبريين

شاكر : السحر حرام وأنا مش عايز أكون ساحر

خالد : دى ضروره ومفيش بديل تانى ..

لأن مقابل الرفض

حياتك وموتك ...

فجأة يقترب منهم نسيم ويهمس :

 أتفضلوا معايا

عمر : هنروح فين

يبتسم نسيم : الدرس الأول النهارده نسيت

عمر : أكيد درس تعلم ازاى نطلع طير الحمام

من كوم القميص

أنا شوفته كتير فى التلفزيون

يضحك شاكر : ياعم حمام إيه اللى هطلعه من

 كوم القميص

أحنا هنقف على  البيض ..

نسيم : ممكن نبطل هزار وتيجوا ومنضيعش

وقت عشان مش فى مصلحتكم ...

خالد : فيه سؤال عندى

نسيم : إيه هو ...؟

خالد : نفترض بعد إنتهاء الشهر احنا

 التلاته وصلنا مستوى واحد من السحر 

هيكون إيه الموقف

 فى الحاله دى..؟

عمر : فعلاً ..افرض كلنا بقينا فى نفس المستوى..؟!

نسيم : ساعتها السرداب هو اللى هيختار

 بناءاً على شخصية كل واحد فيكم

الشخصيه الأنسب فى تحمل المسئوليه ...

شاكر : بمعنى ايه الاختيار هيكون على

اساس الشخصيه..؟

نسيم : قوة الشخصية ..

الذكاء ..

سرعة البديه ...

الحكمه..

كل ده اللى هيحدده السرداب

عمر : تحس كلامك إن السرداب ده

طبيب نفسي

نسيم : السرداب سامع كل حاجه بنقولها ...

وكفايه كلام ملوش لازمه وتعالو معايا

يتقدم نسيم وخلفه الثلاثه حتى وصل إلى

تلك الحجره وفتحها

واشار لهم بالجلوس امامه

على طاوله خشبيه يتوسطها كتاب

أسود اللون















نسيم : دلوقتى نبتدى أول درس فى

عالم جديد وغريب عليكم

عالم مش أى حد يدخلو ..

ولا يفهموا ...

عالم السحر ..

والغموض والقوة

 وهتلاقوا فى الكتاب اللى قدامكم ده

 خلاصة ما كتبه اعظم السحره...

كتاب ملوش شبيه فى الكون ...

يميل عمر على شاكر ويهمس فى

 هدوء : بطنى بتكركب من كلامه

شاكر : هو لسه قال حاجه ..

نسيم فى غضب : ممكن هدوء ومحدش يتكلم ...

عمر فى إرتباك : دنا بشكر له فى اسلوبك المبسط

فى تعليم السحر ..

نسيم فى غضب : هو أنا لسه بدأت ...

 ركز معايا ...

عمر : حاسس إن صورتى اللى بره

هتقع النهارده

أمانه عليكم

تبقو تدعو لى بعد ما أموت ..

                         *********

بعد أسبوع

حجره صغيرة يتوسطها خالد وحده محاط

 بقيود ومكبل بالحديد والجنازير الثقيله ...

نسيم : مهمتك هى فك القيود وفتح أقفال

باب الحجرة فى خمستاشر دقيقة

 بالطبط ومتزيدش عنهم

 وإلا هيكون فيه خطر على حياتك

شاكر : إختبار صعب اوى

نسيم انتو فى اسبوع واحد وصلتو

لحجات غيركم بيتعلمها فى سنين

وده بفضل قوة الكتاب

شاكر : أنا بتعلمه غصبن عنى

نسيم يتجاهل جملته : هنبدتى الإختبار .

                    ************

الوقت الحاضر

خالد يهتف :  أيوه دلوقت فهمت تفسير

 الحلم اللى حلمته لم وقعت على باب السرداب ..

كنت بحاول فتحه واغم عليه

 ويومها حلمت إنى دخلت السرداب

 وشوفت واحد شبهى البضبط ...

عمر : فعلاً...أنا فاكر اليوم ده ...

خالد : دلوقت فعلاً اللى شوفته كنت انا

ناصر : السرداب بيفكرك ..

شاكر :  بس برضه قصتك مش منطقية

ومش مصدقها






























نسيم : ليه..؟

شاكر : إيه دليلك اننا عشنا الشهر ده مع بعض

عمر : الأهم من كل ده انته بتعرف الحجات

دى كلها ازاى..؟!

يبتسم ناصر فى خبث : متستعجلش ..

هقولك كل حاجه ..

خالد : ديما بتهرب من إجابة السؤال ده ..

رغم إنى سألتك كتير ..

أنت بتعرف كل ده ازاى..؟!

شاكر : اكيد وراك سر ..

ناصر : مفيش أسرار ..

أنا بحكى لكم كل حاجه

خالد : ماشى كمل أزاى نسينا أحنا الثلاثه

 فى وقت واحد

الشهر ده اللى عشناه سوا

ناصر : ماشى نكمل القصة

وبدأ ناصر يخبرهم سر نسيانهم

كل ما حدث لهم...

وكان ما يقوله مثير..

ورهيب إلى أقصى حد

إضغط هنا الجزء 28

لمتابعة جميع أجزاء الرواية

 

إضغط هنا على الجزء المطلوب فى الأسفل 


إضغط هنا الجزء 1


إضغط هنا للجزء 2


إضغط هنا الجزء 3

إضغط هنا الجزء 4

إضغط هنا الجزء 5

إضغط هنا الجزء 6


إضغط هنا الجزء 8

إضغط هنا الجزء 9

إضغط هنا الجزء 10

إضغط هنا الجزء 11

إضغط هنا الجزء 12

إضغط هنا الجزء 13

إضغط هنا الجزء 14



هل اعجبك الموضوع :

أخر المواضيع من قسم : غموض

تعليقات

إرسال تعليق