اليتيم والذئاب 6

حينما تكتمل الجريمة

 

الجزء 3

 

تأليف محمد أبو النجا

 

 

(لقوها من غير رأس)

 

نطق الرائد سمير جملته

 

أمام المقدم فتحى الذى

 

اكتست ملامحه بالدهشه

 

وعقد حاجباه يردد:

 

من غير رأس!

 

طب أزاى ده حصل!

 

وازاى تم التعرف عليها؟

 

الرائد بهدوء: من الملابس..

 

الملابس متطابقة  يافندم

 

مع اللى كانت لابسها

 

سلمى فى الصوره اللى

 

اخدناها من الفيديو

 

لحظة دخولها المطعم

 

مع جوزها فتحى..

 

نفس الفستان بالظبط

 

ونفس اللون..

 

ينفى فتحى: مش دليل

 

كافى..

 

مدام فى احتمال تكون

 

مش هيه ..

 

يبقى مينفعش نجزم

 

من غير دليل قاطع

 

إنها سلمى..

 

يقترب منه الرائد سمير

 

خطوه: بس يافندم لو

 

حصل وكانت فعلاً دى

 

جثة سلمى ازاى وصلت

 

المكان المهجور ده فى

 

الجيزة ..!

 

ومين اللى قتلها!

 

وليه فصل رأسها!

 

غموض غريب أوى

 

فى القضية دى!

 

يحك المقدم بأصابعه

 

طرف ذقنه: بلاش نسبقك

 

الأحداث بدون ما نتأكد

 

فعلاً بشكل قاطع

 

إنها سلمى..

 

وبعد فحص الجثة جايز

 

يوصلنى لدليل جديد

 

وثغره نوصل منها

 

للحقيقه..

 

هز الرائد سمير رأسه

 

: اتمنى ده.. اتمنى..

 

                *********

 

بأعين زائغه تحرك

 

 حاتم سلطان برفقة الرائد

 

سمير داخل ممر يؤدى

 

فى نهايته إلى المشرحه

 

كان حاتم يشعر برجفه

 

تضرب كل أطراف جسده

 

ودماؤه..

 

كانت ملامحه اكتست

 

بالتوتر والخوف والهم.

 

وهو يقول فى تعلثم:

 

هى ماتت يافندم..؟

 

انتو لقيتو جثتها..؟

 

ينفى الرائد سمير:

 

انا مقولتش كده..

 

كل اللى بلغتك بيه

 

إن فيه جثة لقيناها

 

مقتوله وللأسف من

 

غير رأس..

 

عمرها تقريبًا نفس

 

عمر زوجتك سلمى..

 

كمان الفستان يشبه

 

الفستان اللى شوفناه

 

فى كاميرات المراقبة

 

ليلة السهره بتاعتكم

 

اللى اختفت فيها

 

و محتاجين منك

 

تقولنا لو فى حاجه

 

او علامه فى جسمها

 

تساعدنا أننا نعرف إن

 

كانت هيه أو لاء..

 

يبتلع حاتم ريقه:

 

طب و البصمات.. !

 

مش ممكن تساعدكم انكم

 

تأكدوا إن كانت هيه

 

او لاء..!

 

هز الرائد رأسه: برضه

 

للأسف الجثة تعرضت

 

للقتل عن طريق الغرق

 

فى بداية الأمر ثم فصل

 

رأسها .. وده عمل تشويه

 

للبصمات ..

 

واحنا بنحاول نتعرف

 

على البصمات ..

 

لكن اكيد انته تعرف

 

اى علامه تقدر تفتكرها

 

فى جسمها مراتك

 

نقدر نتأكد بيها إن..

 

فجأة يقاطعهم الحديث

 

صوت المقدم فتحى:

 

إنها مراتك..

 

يعنى اصابه .. ندبه..

 

كسر.. أى علامه مميزه

 

تفتكرها..

 

يأخذ فتحى نفسًا عميقًا:

 

هى كان فيها إصابه فى

 

فى كوع دراعها اليمين ..

 

كان عباره حرق بسيط .

 

وهى صغيره..

 

هز المقدم رأسها وهو

 

يشير له بالدخول نحو

 

ثلاجة الموتى وفى

 

انتظارهم كان الدكتور

 

ثروت بملامحه الصلبه

 

وقد تخطى الستون من

 

عمره يقترب منه المقدم

 

فتحى: كنا عايزين نشوف

 

هل فى حرق فى دراع

 

الجثة اليمن أو لاء ..

 

عند الكوع..

 

هز الدكتور ثروت رأسه

 

واقترب من درج الموتى

 

وفتحه وجذب الصندوق

 

برفق..

 

وانهارت أعصاب حاتم

 

وشعر أن أقدامه لا تقوى

 

على حمله ..

 

والدكتور ثروت يتفحص

 

الجثة البارده المغطاه برفق..

 

وقد كاد أن يخشى حاتم

 

على وجهه ودار بجسده

 

ناحيتهم وهز رأسه

 

فى بهدوء: ايوه.. مظبوط..

 

فى جرح دليل على حرق

 

قديم ..

 

وسقط حينها حاتم على

 

ركبتيه فى إنهيار ولم

 

يتمالك منع دموعه التى

 

تتساقطت.

 

والرائد سمير يساعده

 

على النهوض ويواسيه:

 

اجمد شويه يا أستاذ

 

حاتم..

 

انا عارف إن الموقف

 

 صعب..

 

لكن ضرورى أنك تكون

 

اقوى من كده ..

 

يقاطع حديثهم الدكتور

 

ثروت: بس فى حاجه

 

مهمه لقيتها فى الجثة

 

يا سيادة المقدم .

 

حاجه اكتشفتها مهمه

 

جدًا ..

 

اتسعت أعين حاتم فى

 

ترقب شديد ولهفه

 

واضحه

 

يستمع إلى الدكتور

 

ثروت الذى أخبرهم

 

بمفاجأة مذهله..

 

مذهله إلى أقصى حد.

 

وجدها فى جثة سلمى..

 

مفاجأة تقلب كل

 

موازين القضيه..

 

رأسًا على عقب..

 

جميع أجزاء روايو حينما تكتمل الجريمه 

فى الأسفل إضغط على الجزء المطلوب 

إضغط هنا الجزء 1

إضغط هنا الجزء 2

إضغط هنا الجزء 3