قصة أغنية تخونوه عبد الحليم حافظ
وليلى مراد
تبدأ أحداث حكاية النهارده
سنة ٥٧ كان
عبد الحليم بيحضر
لفيلمه الجديد الوسادة الخالية ..
وكان شغال على الاغاني اللي
حتتحط في الفيلم واللي كان ليها
دور مهم في القصة اللي كلكم
عارفينها .
كان وقتها
الملحن الشاب
"بليغ حمدي"
من شلة عبد
الحليم حافظ ..
يعني بيروح يحضر بروڤاته
ويقعد معاهم
لكن ما اشتغلوش
مع بعض ..
في لقاء بينهم سأله عبد الحليم
كالعادة : ايه مش عامل حاجة جديدة ؟!
بليغ سمعه لحن
جديد لاغنية من
كلمات الشاعر
"اسماعيل الحبروك"
عشان ياخد رأيه كصديق ..
وقاله انه بدأ يعمل بروفات مع
الست ليلى مراد عجبتها الاغنية
وبدأت تسجلها
بصوتها
وحتهديها
للاذاعة ..
ودعواتك بقى يا حليم يا اخويا
الاغنية تفرقع .
تاني يوم راح
بليغ الاذاعة عشان
يبدأ تسجيل الاغنية ..
لكن كل واحد يقابله يقوله إلحق
"عبد الحليم" كلمك كذا مرة
وبيقول عايزك
في مسألة مهمة ..
: خير يا حليم
؟؟
قاله لازم
تجيني حالا !!
بس يا عندليب
انا عندي
بروفة !!
قاله معلش ١٠ دقايق بس وارجع
تاني !!
لما راح بليغ
لبيت عبد الحليم
لقى رمسيس نجيب
واسماعيل الحبروك هناك ..
واتفاجيء بعبد الحليم بيقوله :
"الاغنية
دي تلزمني" ..
طبعا بليغ قاله :
ازاي دي ليلى مراد ..!
سجلت اجزاء
منها !!
قاله ما تقلقش حنكلمها بس
الاغنية علقت
معايا جدًا ..
وحتبقى جزء
مهم اوي من الفيلم .
المهم تحمل
بليغ مسئولية انه
يبلغ ليلى مراد بالخبر وراحلها
وهو وشه في الارض من
الكسوف ..
لكن رد فعلها كان مفاجئة بالنسباله !!
ليلى مراد بكل
شياكة قالتله
مفيش مشكلة ..
وما اكتفتش بكده دي بعتت جواب
لعبد الحليم قالتله فيه ان
بليغ جالها و رغم
انها سجلت كوبليهات من
الاغنية لكن هى
مستعدة للتنازل عنها عشان
سببين ..
الاول عشان تدعم عبد الحليم في
بداياته الفنية لانه بيفكرها ببدايتها
خصوصا ان عبد الوهاب ساعدها
زي ما ساعده
وانها غنت كتير
ووحابة تديله فرصة يغني الأغنية
دي طالما عجبته .
السبب التاني،
انها شايفة ان
الاغنية دي لو اتقدمت في فيلم
ضمن قصة حتكون افضل بكتير
من انها تتسجل كاسطوانة ..
وقالت ان الجواب ده تنازل عن
حقها في
الاغنية وأنها موافقة
رغم ان في تعاقد مع شركة
اسطوانات عشان
تسجل الاغنية
بس الموضوع ممكن يتحل ودي .
بس طلبت منه ياخد موافقة اسماعيل
الحبروك صاحب الكلمات لانها
ما تملكهاش .
وفعلا عبد
الحليم سجله اغنية
"تخونوه"
بصوته
وكانت اول تعاون رسمي ليه مع
بليغ حمدي ..
واللي
بيعتبرها اول اغنية ليه
كملحن محترف ...
وكانت من اهم
اغاني الفيلم والسبب
في كده تواضع
وشياكة ليلى مراد
الله يرحم
عمالقه الزمن الجميل
تعليقات
إرسال تعليق