القائمة الرئيسية

الصفحات

تعديل المشاركة

أحمد زكى و محمود البزاوي فى فيلم الهروب

الكاتب محمد أبو النجا
(0)

قصة أحمد زكى و
 محمود البزاوي

فى فيلم الهروب

 الفنان محمود البزاوي حكى موقف

 طريف جدا كان ورا ترشيحه لدوره

 في فيلم "الهروب"

مع النجم احمد زكي .

قبل الفيلم بحوالي 8 سنين

 "البزاوي"

 ظهر لأول مرة في فيلم

 "الاحتياط واجب"

 مع احمد زكي برضه في دور

 صغير لانه كان لسه طالب في

معهد التمثيل ..

 وبحماس الشباب وقتها البزاوي

 ما عجبوش كلمة قالهاله احمد زكي

فرد عليه والموضوع وصل لتراشق

 بينهم بس الموقف عدى على خير .

بعدها بكام سنة احمد زكي كان

 موجود في معهد التمثيل ..

 وبالصدفة شاف "البزاوي" ..

 وعشان الخناقة كانت لسه معلمة

 معاه فأفتكره، وراح اتعرف عليه

 وقاله انت بتعمل ايه هنا ..؟

وعرف منه انه لسه طالب في المعهد .

ومرت السنين ...

وجه وقت تحضير فيلم الهروب ..

 وكان لسه احمد زكي فاكر البزاوي ..

 قال لعاطف الطيب في ولد انا شوفته

 في المعهد من فترة ..

ده لازم تجيبوه يعمل الدور بتاع

 "عبد الله" ..









فعاطف الطيب قاله طب اسمه ايه ..؟

 ولا دفعة ايه ..؟

لانه اكيد اتخرج انت شوفته من 8

سنين يابو الزيك ؟!

طبعا احمد زكي ما يعرفش ..

 طب ياحمد انا مرشح واحد

للدور ما تشوفه الاول ؟!

قاله لأ انا عايز الولد بتاع

المعهد ..

هى ونونت في دماغي خلاص !!

بدأ تصوير الفيلم ومحدش عارف

 مين الممثل اللي احمد زكي عايزه

 عشان يجيبوه ..

 وفي الاخر عاطف الطيب زهق

 وبعت يجيب الممثل اللي رشحه

 للدور عشان احمد يشوفه ..

 ويحاول يقنعه بيه لأن الوقت

 ضيق وهو مش عارف يجيب

 الممثل الغامض ده اللي احمد

 عايزه .

وفعلا جه الممثل ودخل بيه

 عاطف على احمد زكي ..

 وفجأة ..

لقاه نط من على الكرسي ..

 وقاله ينصر دينك يا عاطف ..

 هو ده الممثل اللي انا كنت

 عايزه !!

رد عاطف وقاله انت قصدك

 "البزاوي" ؟!

 يابني ما هو ده اصلا اللي

انا كنت مرشحه للدور وانت

 رفضت تشوفه !!! ِ


هل اعجبك الموضوع :

أخر المواضيع من قسم : فن

تعليقات

إرسال تعليق