قصة غصب زكى رستم
من فريد شوقى
زكي رستم
تاريخ ومكان
الميلاد : 5
مارس 1903 القاهرة
تاريخ ومكان
الوفاة :
16 فبراير 1972
عملاق من
عمالق التمثيل فى
مصر والوطن
العربى
لديه قصة ربما
لم يسمع عنها
الكثير مع وحش الشاشه
فريد شوقى وتبدأ أحداثها بجملة
انت اتجننت ..
عايزني اصور
بكرة !!!!!
الجملة دي كنت
بداية خلاف بين
زكي رستم وفريد شوقي
منعنا نشوف
الاتنين مع بعض في
واحد من اجمل
افلام السينما المصرية
وهو فيلم
"جعلوني مجر*ما".
القصة حكاها
فريد شوقي في لقاء
تلفزيوني ..
وحصلت قبل تصوير الفيلم بست
الشهور لما طلب فريد من المنتج
رمسيس نجيب
انه يتفق مع الفنان زكي
رستم عشان يقوم بدور عمه في
الفيلم وده
الدور اللي عمله بعد كده
سراج منير .
وفعلا اتصل
رمسيس بزكي رستم
اللي طلب
وقتها مبلغ كبير جدا
وصل ل ٨٠٠
جنيه ..
رفض فريد شوقي المبلغ وفضل
الدور فاضي
لحد بداية تصوير
الفيلم ...
وكان في مشكلة حقيقية خصوصًا
ان الدور كان
مهم جدا في احداث
الفيلم وهو الدافع الرئيسي لتحول
شخصية البطل .
لما اتزنق
فريد شوقي قرر
يرجع في كلامه ووافق على
طلبات زكي رستم واتصلوا وراح
مكتب وحش
الشاشة عشان يمضي
العقد ..
فريد وقتها اتأخر عليه عشان
كان بيصور مشهد في الفيلم وخلص
وراحله ومعاه شيك العربون .
طبعا فريد
شوقي راح وهو
لابس وعامل مكياج وقابل زكي
رستم اللي مضي العقد واستلم
الشيك لكن سأل
فريد ..
" انت
عامل مكياج يا فريد افندي !!!
كده غلط ما
ينفعش تشتغل فيلمين
مع بعض مش حتعرف تركز في
الفيلم ده ..
رد فريد شوقي
وقاله انه شغال في
نفس الفيلم
عشان التصوير بدأ فعلا
وحضرتك ان شاء الله عندك اوردر
تصوير بكرة
الصبح ..
عشان يلاقي زكي رستم اتحول
180 درجة .
ثار زكي رستم
على فريد شوقي
وقاله : انت مجنون !!
انا مش محطوط
على الرف يا افندي ...
انا لازم اعيش الشخصية
واستعد واجهز
نفسي يا استاذ تصوير
ايه اللي حبدأه بكرة !!
وقطع الشيك وخرج وهو زعلان
جدا ورغم محاولات المقربين
انهم يقعوه
لكن برضه رفض
يعمل الفيلم ..
واتصل فريد بسراج منير اللي
وافق على طول وقام بالدور زي
ما كلنا شفنا .
الحقيقة فريد
شوقي رغم نجوميته
لكن وهو بيحكي القصة دي كان
بيحيكها على انها درس كبير
اتعلمه من النجم زكي رستم ان
الموضوع مش تجارة ولا مقاولة
ده فن ليه اصول مش مجرد سلعة
بنبيعها عشان نقبض فلوس
وخلاص .
الله يرحمك يا
استاذ ..
معرفش لو كنت لسه عايش
وحضرت ورش التمثيل ومؤلفين
السوشيال ميديا والافلام اللي بتتكروت
في اسبوع في الساحل كنت
حتعمل ايه ..؟
تعليقات
إرسال تعليق