المشهد العبقرى من فيلم سواق الأتوبيس
فيلم سواق الأتوبيس
هو ليه فيلم سواق الاتوبيس بيحتل
المركز الثامن ضمن قائمة
أفضل فيلم مصري .
سواق الأتوبيس فيلم مصري من
إنتاج عام 1982.
الفيلم من إخراج عاطف الطيب
وبطولة نور الشريف وميرفت أمين .
قصة فيلم سواق الاتوبيس بسيطة للغاية
وهي محاولة حسن أو الشاطر
حسن المحافظة علي ورشة
والده المعلم سلطان من الضياع
وفي سبيل ذلك بيطرق كل الأبواب
الممكنة زي باب أخته اللي بورسعيد
واخته اللي في دمياط والمشهد اللي
جاي وهتكلم عنه لحسن مع زوج
أخته المعلم التابعي الدمياطي
اسمه كده تاجر الاخشاب واللي
تعثر أيام النكسة ولجأ لحماه
المعلم سلطان ليفك كربه واقرضه
١٠٠٠ جنية عام ٦٧ واليوم
حسن يطالبه بسداد جميل المعلم
سلطان ولكن المعلم تابعي يتنكر
لتلك الواقعة ثم يعترف بها ويقوله
أنه كان بيشغلهم له في الخشب
وخسروا طب المخرج عاطف الطيب
بكاميرا المصور سعيد شيمي عبر
إزاي عن حالة عدم الوافق اللي
ما بين حسن وزوج أخته .
أولا : وضع ما بينهم عمود خشبي
ليكون بمثابة الحاجز بين الاتنين
وده عشان يعبر عن اختلاف الاتنين
تماماً وموضوع الحواجز ده اتكلمت
عنه أكثر من مرة وهتكلم عنه تاني .
ثانياً : وده الاهم وهو الحصا.ر
وهنا استخدم عائلة المعلم تابعي
بالكامل لحصا.ر حسن وأجلس
حسن في منتصف الحلقة تقريباً
وأخذ لقطات متنوعة لردود فعل
اخت حسن وزوجها وفي بعض
الأحيان لبلاهة ابنائهم وهم يسمعوا
لأول مرة كلمات مثل الحق والواجب
والأمانة ورد الجميل فمبدأ المعلم
تانبعي
أن التجارة شطارة ولا يوجد مبدأ اخر
يتم تعليمه في هذا البيت .
فيلم سواق الاتوبيس بيحتل المركز
الثامن في قائمة أفضل مائة فيلم
مصري ويعتبر ثاني أفلام عاطف الطيب
وإن كان معظم النقاد يعتبروه أول
أفلامه لأنه شهد ميلاد مخرج كبير .
تعليقات
إرسال تعليق