الأسطوره عمر خيرت وهانز زيمير
اللي على الشمال ده الموسيقار
المصري الكبير عمر خيرت ..
طب مين عمر خيرت
ده هقولك
عمر خيرت ده تقريباً أول ملحن
مصري يتعمل له حفلات موسيقية
عشان الناس تروح تسمع اعماله
وده كان نادر الحدوث ونادر
الحدوث أن ملحن مصري يتعمل له
شرائط موسيقى بس ومشفتهاش
بعد كده غير مع الراحل عمار الشريعي
لكن عمر من الناس اللي بتلمس
القلب والتيمة اللحنية عنده بتتشكل
زي خط سير الأحداث يعني عندك مثلا
موسيقى خلي بالك من عقلك لعادل امام
فبتبدأ ناعمة لحد ما بتيجي في مرحلة
وتشتد حدتها كناية عن وجود صراع
ثم تهدأ مرة أخرى كناية عن عودة الأمور
الي نصابها وخد عندك موسيقى زي
قضية عم احمد أو البخيل وانا أو مافيا
أو نهر الخوف أو ضمير أبلة حكمت
وكلها علامات في تاريخ السينما
والدراما
مش اكل عيش .
أما اللي علي اليمين ده وبينحني لعمر
خيرت فده الموسيقار الألماني العالمي
هانز زيمير طب مين هانز زيمير هقولك
عارف فيلم the Lion
King
أو rain Man
بلاش
كده طب عارف فيلم Gladiators
أو أفلام نولان من اول the
dark knight
و interstellar و dunkirk طب بلاش
دول سمعت عن فيلم Dune بجزئيه أهو
اللي عمل الموسيقى التصويرية للأعمال
ديه كلها هو هانز زيمير واللي أترشح ١٢
جائزة أوسكار وفاز ب ٢
عن the lion
king
و Dune
ده غير
فوزه ب ٣ جرامي والايمي والتوني وقول
زي ما انت عايز فلما موسيقار كبير زي
هانز زيمير ينحني للموسيقار المصري
عمر خيرت فده يديك انطباع عن قيمة
وعظمة عمر خيرت في العالم وتقدير
الموسيقيين له في جميع أنحاء العالم
ويكفي اني اقولك إن عمر خيرت المصري
الوحيد اللي بيعمل حفلات موسيقية في
ارقى المسارح والناس بتيجي تحضر له
عشان يسمعوا موسيقاه .
الصورة من حفل توزيع جوائز الجوي
أورد واللي تم تكريم فيها الموسيقار
هانز زيمير .
تعليقات
إرسال تعليق