فريد شوقي وقصته مع أنور وجدى
فريد شوقى محمد عبده شوقى
وشهرته فريد شوقى..
كان ممثل سينمائى..
و تليفزيونى..
و مسرحى.. و كاتب سيناريو و حوار..
و منتج سينمائى مصرى قدير...
اتولد يوم 30 يوليه 1920..
فى حى البغاله بالسيده زينب..
فى القاهره..
و اتوفى فى 27 يوليه 1998...
اخد دبلوم مدرسة الفنون التطبيقيه..
و دبلوم معهد التمثيل...
اول دفعه اتخرجت من المعهد العالى
للتمثيل سنة 1947
و كانت دفعته...
اول اعماله كان فيلم ملاك الرحمه سنة 1946
مع يوسف وهبى
و راقيه ابراهيم...
اشتهر بادوار الفتوه والبطل القوى...
اسس اتحاد الفنانين سنة 1986..
قدم حوالى 300 فيلم
مع اعمال
مسرحيه وتليفزيونيه...
اتجوز زينب عبد الهادى
انجب منها منى..
واتجوز
الفنانه هدى سلطان و انجب منها ناهد
و مها..
و انفصلو سنة 1969..
و اتجوز سهير ترك انجب منها عبير
و رانيا فريد شوقى ...
وحفيده ممثله
وهيا ناهد السباعى...
فريد شوقي..
بأعتبره اذكي فنان عربي اتي
في تاريخ فن التمثيل العربي..
بعد أنور وجدي فلو عايز تعرف ليه..
فريد من صغره
وهو بيحب الفن ..
وحلمه يبقي
ممثل ..
بدأ في مسارح
الهواة لحد ما خد
فرصة في أول
فيلم له ملائكة
جهنم سنة ١٩٤٦
ثم ملاك الرحمة
وبعدين يسمع عنه أنور وجدي
وحد يقوله ده
في ولد شاب جديد
لكن هايل فبيطلب من المساعد
بتاعه وقتها المخرج حسن الصيفي
أنه يجيب فريد
عشان يشوفوه
وبالفعل بيعجب
به أنور وجدي
ويقرر يمضيه
علي عقود خمس أفلام
تتراوح قيمتها
من ٥٠ جنية ل ٣٠٠
جنية ففريد رفض العرض فأنور وجدي
قاله أنت المفروض تدفع فلوس عشان
هتمثل مع انور وجدي ..
افتكر الجملة
ديه كويس ..
عشان فيما بعد
فريد قالها لنجم صاعد..
لكن فريد أصر على الرفض..
وخرج من مكتب انور وهو غضبان
فقابل وهو خارج ستيفان روستي
فقاله مالك يا
فريد فحكاله فاستيفان
نصحه بقبول
عرض أنور وجدي
لأن وجوده بفيلم لأنور وجدي
هيوفر عليه
سنوات ضوئية
فرجع فريد لأنور ومضي علي الخمس عقود
وبيقول فريد عن الموضوع ده :
"أنا
أيامها كنت بأخد علي الفيلم من
١٠٠ ل ٢٠٠ جنية ..
وفي خلال
سنتين أرتفع اجري
ووصل ل ١٠٠٠ جنية وأحيانا ١٢٠٠ جنيه
فبقيت أمثل في فيلم لأنور وجدي ب ٣٠٠ جنية
مثلاً وانا أجري الحقيقي ١٢٠٠ جنية
فقولتله يا
أنور طب ارفع المبلغ شويه
فقالي وهو سعيد وبيضحك لا ديه شطارة
مني لأني عرفت
من اول ما شوفتك
انك هتبقي نجم فعشان كده مضيتك
علي الخمس
عقود.
تعليقات
إرسال تعليق