أيام مازينجر الجميله كنا طيبين
إحنا أكتر جيل أتظلم فى طفولته
من أول نوع اللعب إللى كنا بنلعبها
لحد الكارتون إللى كنا بنتفرج عليه
يعنى مثلاً :
ضحكوا علينا ببطل وهمى إسمه
" مازنجر
"
إللى لو قعدت فريت فى الحلقات
كلها هتلاقيهم
هما هما مفيهومش
أى تغيير و لا أى أحداث جديدة
تحب أقولك ملخص الحلقات كلها
ماشى يا سيدى ...
يظهر فجأة وحش بيتكتب
أسمه فى أول
الحلقة بالصينى
تقوم فاتن تشم خبر بيه ،
تقوم ساحبة
" أفروديت "
من الجراج
ومتهورة
ليه يا فاتن يا حبيبتى كده بس !!!
هوب تلاقى الوحش قدامها
فتقوم راشقاه الصاروخين إللى حيلتها
وإللى غالباً كده ما بيجوش فيه أصلاً
وأول ما تبقى عا الجنط يا كبد امها
يروح الوحش ملكملها بالبوانى
فى وشها فتروح قاعدة على
ركبها ومصوتة
" إلحقنى يا ماهر "
تلاقى ماهر أسم الله على شبابه
سمعها متعرفش إزاى !!!
هوب حمام السباحة يتفلق نصين
و يطلع " مازنجر " واخد
الدوش التمام ومستحمى
علشان يروح ينقذ " أفروديت "
أول ما مازنجر يا حبة عينى
يقابل الوحش
لازم لازم لازم ...
الوحش يرقعه علقة موت الأول
لحد ما يا حبيبى مازنجر ترجع
له الذاكرة فجأة
و يفتكر إن عنده أسلحة
فتاكة !
بس فكرك يعنى يقوم يموت
الوحش والحلقة
تخلص كده
قوام قوام ؟
لأ طبعاً ... ميصحش
لازم يمخمض الوحش الأول
لحد ما ترجع له الذاكرة تانى
ويفتكر فى الآخر
سلاح مهم
جداً وهو (
الرياح المذيبة )
أو ( العاصفة )
،
ده طبعاً بعد ما يضربه فى
الأول بال (
قبضتين المدمرتين ) .
طب ما كان من الأول حضرتك ؟
دى الرياح المذيبة دى كفائة
إنها تقفل أى
عاركة من أول ثانية
نهاية الحلقة :
بعد ما مازنجر يموت الوحش
يشيل أفروديت
ويمشى وتظهر
الشمس يا إما
وهى بتشرق أو
وهى بتغرب أيهما أقرب على
حسب توقيت
الخناقة
( كانت بعد الفجر ولا بعد العصر )
آدى يا عم مسلسل مازنجر
وتوتة توتة فرغت الحدوتة
دى طفولة دى أحكيها لولادى ؟
ده أنا متأكد إنهم لو شافوا
مازنجر براسه دى هيفتكروه
بالكتير أوى مبخرة أو ماكنة حلاقة
تعليقات
إرسال تعليق