من هو البطل الأول لمسلسل
الراية البيضا
خلال التحضير لمسلسل الراية البيضا ..
المخرج محمد فاضل والمؤلف
اسامة انور
عكاشة ...
حددوا مواصفات
اللي حيلعب دور
" مفيد ابو الغار "
السفير المثقف
اللي كان عايش بره
وبيرجع تاني لبلده ...
وكان كل همهم
يختاروا ممثل
بنفس الصفات عشان يكون
مقنع في الدور
..
طبعا انت فاكرني حقولك انهم
اختاروا جميل راتب صح .. ؟!
لا يا صديقي ..
الاختيار الاول والوحيد كان النجم
محمود مرسي ..
فنان مثقف جدا وعينه خضراء ..
وكان شغال مذيع في اذاعة الـ
BBC قبل التمثيل وتقريبا الدور
متفصل عليه ده غير انه مريح جدا
في الشغل ...
وفعلا بعتوله
السيناريو عشان
يقراه واتفقوا
على ميعاد عشان
يمضي العقد ..
وفي المعاد ووصل الفنان محمود
مرسي لكن بدل ما يمضي العقد
اعتذرلهم عن
الدور !!!
طب ليه كده يا
فنان ؟!
الحقيقة ان
محمود كان معجب
بالدور جدا
لكن كان صريح ودوغري
معاهم لما قالهم " ياجماعة المسلسل
ده بطولة فضة المعداوي مش
مفيد ابو
الغار .. sorry, I'm out
".
وعشان محمود
مرسي فنان تقيل
وليه وزنه
وخبرته واشتغل مخرج
قبل كده ..
محمد فاضل قالك طب نستفيد منه
بأي حاجة ..
فسأله " طب
شايف مين ينفع للدور
ده يا استاذ ؟!"
فرد محمود من غير تفكير ..
وقالهم مفيش غير واحد بس ..
جميل راتب .
ورغم ان اسامة
وفاضل كان
بيفكروا في الفنان كمال الشناوي
للدور لكن اختيار جميل راتب
دخل دماغهم
وقرروا يتفقوا
معاه عشان يعمل الدور بترشيح
من النجم
محمود مرسي ...
تفتكر محمود
مرسي خسر الدور ده ؟!
تعليقات
إرسال تعليق