حوار علاء ولى الدين عن عمل الرجيم

فى حوار جميل مع الراحل علاء

ولى الدين رحمه الله

مش بتتصور نفسك نحيف ؟!

🎙️ لا خالص ..

️ طب ما فكرتش تعمل ريچيم ؟!

🎙️ عملت محاولات كتير جدا ..

والدي وداني لدكتور غدد ..

قاله لا الغدد سليمة بس هو عنده

سمنة مفرطة لازم يعمل ريجيم ..

فكنت طول النهار طبعا في عذاب ..

باكل خضار سوتيه وعيش ناشف

وحاجات رمزية كده ...

🎙️ فلما يناموا بالليل كنت اقوم افتح

التلاجة واقعد قدامها في الارض ..

واكل جامد جدا ..

اكل اكل تلات ايام !!

واقفل التلاجة وأقوم الصبح شبعان ..

اقولهم يا سلام الريچيم ده جميل ..

اروح للدكتور يوزنني يقولي لبابا

: ايه يا استاذ ابنك بيزيد !!!

ابويا قال لا دي في حاجة ..

فقعد راقبني بالليل واكتشف الموضوع ..

فقالي خلاص مش حوديك تاني !!

🎙️ برضه قالوا لازم رياضة ..

نزلت لفيت انا واصحابي تراك نادي

الشمس ..

رجعت كلت صينية مكرونة بالبشاميل ..

فالريچيم ما نفعش معايا خالص .