حب الأخوين حمدي وعبدالله غيث
فى حوار صحفى نادر
مع الفنان
الكبير حمدى غيث
ساله المذيع
قائلاً :
سامحني في السؤال ده ..
مفيش في لحظة
كده بتشعر بغيره من
عبدالله غيث ؟
= عبدالله غيث
ممثل عظيم أوي ..
وأنا مش بقول كده عشان أخويا ..
الحقيقة بس هو
له شخصيات يمثلها
مقدرش أعملها
أنا ..
لكن هو يقدر
يعمل كل الشخصيات اللي
أنا بعملها ..
يمكن حضرتك
ماتعرفش أو الجمهور
مايعرفش
علاقتي بعبدالله ..
أبويا توفى
وإحنا صغيرين وأنا
كان سني 4
سنين و10 شهور
بالظبط
وعبدالله كان
سنه 10 شهور بالظبط
يعني أنا أكبر
من بـ 4 سنين ..
وعندنا في الأرياف لما يكون الأب متوفى ..
الأخ الكبير يكون هو رب الأسرة ..
يعني يبقى هو
الأب وخصوصاً أن احنا
انفصلنا عن
القرية فور وفاة والدي ..
وجينا القاهرة عيشنا مع خالي في بيته
أنا ووالدتي ..
فبقيت أنا الكبير بقى وعبدالله نشأ بالظبط
كأبني ..
يعني كنت بتعامل معاه زي ابني بالظبط
وبحبه كما لو كان ابني بالظبط ..
وعبدالله إلى الآن أنا بتعامل معاه زي ما يكون
ابني يعني ممكن أشخط فيه ممكن أنهره
بشدة زي ما بعمل مع ولادي ..
حصل مرة وأنا
في البيت الساعة 3 صباحاً
كده ضرب
تليفون وواحده الله يمسيها
بالخير بدون ذكر أسماء قالتلي أخوك عبدالله
عمل حادثة عند
صحارى سيتي
وعربيته
اتقلبت ..
أنا طبعاً كأي أب انتوا ممكن تتصورا بيعمل
ايه ..
نزلت بليل جري
أنا وزوجتي وركبت العربية
وطلعت على صحارى سيتي وأدور على
عربية عبدالله
اللي اتقلبت وأنا في حالة سيئة
وببكي وحالتي
صعبة جداً، قعدت أدور
مالقتش حاجة ورجعت عالبيت تاني جري
وأنا يادوب بوقف العربية قدام البيت لقيت
عربية عبدالله فايته من قدامي ..
كان هو ساكن جمبي بعد مني بشوية كده
وخدت العربية
بتاعتي وجريت وراه وفضلت
أنادي عليه
لغاية ما وقفته ونزلنا احنا
الـ 2 من
العربية وأنا بعيط وهو كمان
بيعيط من غير
ما يعرف أنا بعيط ليه فاكر
أن أنا حصلي حاجة أو حد من ولادي حصله
حاجة ..؟
فحضنا بعض واحنا بنبكي احنا الـ 2 في
هذه اللحظة
العاطفية الجميلة ..
عبدالله ابني
وماحدش بيغير من ابنه
أبداً والواحد
يتمنى أن الوحيد اللي
يكون أحسن منه هو ابنه وأنا بتمنى
أن عبدالله يبقى أحسن مني دايماً لأنه ابني . ♥️
تعليقات
إرسال تعليق