القائمة الرئيسية

الصفحات

تعديل المشاركة

حكاية فيلم امريكا شيكا بيكا

الكاتب محمد أبو النجا
(0)

حكاية فيلم امريكا شيكا بيكا

حقولك حكاية 

"امريكا شيكا بيكا"

أمريكا شيكا بيكا وهو فيلم مصري من

 إنتاج عام  1993

 تدور أحداثه عن مجموعة من

 الشباب يتمنون الهجرة إلى

 أمريكا ..

لاعتقادهم بأن بها فرصاً ذهبية

للعمل والثراء السريع ..

وتحقيق الأحلام التي عجزوا عن

 تحقيقها في مصر ..

 ولكنهم يقعون ضحية النصابين

والمحتالين مثل الأستاذ جابر

«سامي العدل»

الذي يتركهم في إحدى غابات

رومانيا ..

 وبعد محاولات مستميتة

 وعشرات المواقف المؤسفة

 يكتشف الجميع بأنهم كانوا

 يسعون وراء سراب كبير ..

 ووهم لا وجود له إلا في خيالهم ..

الفيلم ده كان بطولة جماعية

 واكبر شخصية فيها

 "احمد المنسي"



كان حيعملها "احمد زكي"

احمد قرأ السيناريو وقال لا انا

ما اعملش بطولة جماعية ..

 طب حنعمل ايه الفيلم كده حيقف ؟!

المهم كنا قاعدين انا وخيري

بشارة في محل مشهور في جامعة

الدول العربية وانا وهو مش عارفين

 نعمل ايه وفرحانين بالفيلم

 عشان قصة حقيقية، لقيت حد

بيقولي ده محمد فؤاد قاعد هنا

وعايزك ..

انت عارف فؤاد ابن بلد

 روحت لقيته شيك كده ولابس

 بدلة غالية سلمت عليه وقولتله

 ما تيجي تسلم على خيري بشارة

 ده قاعد معايا، قالي لا مش

 حسلم عليه انا زعلان منه !!!

 ليه يا محمد ؟

 قالي ازاي يعمل فيلم لعمرو دياب

 وانا لأ !!

 قولتله طب بس تعالى معايا .

جه قعد معانا وانت عارف خيري

 بشارة دمه كان شربات

 محمد قاله انت ما بتعمليش فيلم ليه ؟

بطريقته دي .

 راح خيري بشارة ميل عليا وقالي

 ده "احمد المنسي" ؟

قالتله ليه يعني ؟؟

قالي بص لابس بدلة بخمس

 الاف جنيه وتحسه برضه

احمد المنسي الميكانيكي اللي جاي


من العراق 😀

كلمنا محمد العدل صحيناه من

 النوم !!

 تعالى لقينا البطل قالنا مين قولناله

 محمد فؤاد .. قالنا انتوا بتهزروا !!!

 خيري قاله تعالى بس ..

قعدنا اقنعناه ومشينا الساعة ٩

 الصبح ومحمد ماضي الفيلم

ونجح نجاح غير عادي والشريط

 بتاعه كسر الدنيا .

🗣️ مدحت العدل في لقاء سابق 😀

هل اعجبك الموضوع :

أخر المواضيع من قسم : فن

تعليقات

إرسال تعليق