عبد الحليم حافظ وطارق حبيب
فى حوار نادر للعندليب الأسمر
عبد الحليم
حافظ يفتح قلبه
والمذيع طارق حبيب يسأله :
أستاذ
عبدالحليم كام مرة فكرت إنك
تتجوز خلال
حياتك ؟؟
حليم : مرة
واحدة
-: أقدر أعرف
ظروفها ؟
حليم : ظروفها
ان أنا حبيت إنسانة
وهي حبتني لكن القدر ما أرادش
ان احنا نكون لبعض
-
كانت من الوسط
الفني ؟!
حليم : لأ
: أسرتك
النهاردة بتشوفهم وبيشوفوك
ولا مبتعدين عن بعض؟
حليم : مبتعدين
عن بعض ازاي ؟!
يا خبر أبيض !! ..
ده أنا لازم أشوفهم وأقعد معاهم
كل يوم يعني أختي علية لازم أشوفها
كل يوم وكذلك أخويا إسماعيل ،
أخويا محمد
بيشتغل معايا وابن
خالتي شحاتة
ساكن معايا في البيت
ولادهم بييجوا
لي كل يوم باخدهم
وأخرج أفسحهم وأتفسح معاهم
أنا لا يمكن
أبتعد عنهم يوم واحد ماقدرش
دي أسرتي دي اللي بشتغل عشانهم
يعني أنا بشتغل ليه ؟! أنا لا عندي
زوجة ولا أولاد ماعنديش غير
إخواتي وإذا
كان الواحد يعني عايز
يستكفي الحمدلله أنا بخير ومبسوط
واللي عندي يكفيني لكن أنا بشتغل
عشان أأمن لأسرتي مستقبلهم عشان
يعيشوا كويس ومايحتاجوش لحد بعدي
ويفتكروني دايماً بالحلو إن شاء الله ..
ربنا يخليهم ليا ❤️
مقتبس من حديث المطرب الراحل
عبد الحليم حافظ مع الاعلامي
طارق حبيب من
برنامج أوتوجراف
تعليقات
إرسال تعليق