سائق التاكسي لوكاس والمعجزه(قصه حقيقيه)

موراتس اليونانى

قصة حقيقية

الراجل اللي في الصورة ده

يوناني إسمه " موراتس" ...

 وكان عايش في أمريكا ..

وفي يوم حس بوجع في صدره ..

 وبعد الكشف والفحوصات قالوله :

 عندك كانسر في الرئة ..

 وقدامك 6 شهور وتموت .

الراجل مصدقش من الصدمة

 وذهب لأكتر من دكتور ..

 لكن للأسف كلهم أكدوا له أنه

مريض بالسرطان في الرئه ..

 وكلهم أجمعوا أنه هايموت

 خلال 6- 8 شهور ..

ونصحوه أنه خلال الفترة دي يبدأ

جلسات كيماوي علشان الورم ماينتشرش

 في باقي جسمه ..

عم موراتس قالهم :

 مش أنا كده كده ميت ؟

 يبقى مالهوش لازمة العلاج

  والمصاريف ..

كان عمره ساعتها حاجه وستين

سنة أصلا !

وفعلا رجع بيته ..

وقرر يعيش آخر 6 شهور في

حياته في بلده الأم " اليونان "

علشان يتدفن جنب أبوه ...

سافر اليونان وقعد أول شهرين

 نايم في السرير ومستني أيامه

 تخلص ...

أصحابه القدامى " ولاد منطقته "

لما عرفوا أنه رجع وتعبان وأيامه

 معدودة ..

 قرروا كل يوم بعد العصر يتجمعوا

 ويقعدوا عنده في البيت يرغوا مع

 بعض ..

واحدة واحدة الراجل بقى يقوم من

 السرير ويخرج يقعد في الجنينة مع

 أصحابه ..

وقرر يسلي نفسه ويجيب شتلات ورد

ويزرعها في الجنينة دي ويهتم بيها ..

فجأه عدوا الست شهور !!

 الراجل ما ماتش !!

عدوا 8 شهور، برضو لسه عايش !!

 قالك أنا شكلي لسه قاعد شوية ..

راح جاب عمال وقرر يبني دور زيادة

 فوق

 البيت وكان بيساعدهم على قد ما يقدر ....

عم موراتس مات وهو عنده 102 سنه !!

 يعني تقريبا ضعف عمره لما الدكاترة

 أجمعوا أنه هايموت بعد ست شهور !

عم موراتس لما وصل لسن التسعين

 رجع أمريكا علشان يقول للدكاترة اللي

 قالوله أنه هايموت إنه لسه عايش ..

 لقاهم كلهم ماتوا ...

حبيت أحكيلكم القصة دي علشان

أقولكم إن الرب هو صاحب الكلمة الأخيرة

 مهما قالوا في كلام  .

وأقول لكل مريض ارفع نظرك لفوق ..

إلهك عنده كتير جداً ..

 تمسك به ..

ثق فيه ..

لن يخزيك ....