سائق التاكسي لوكاس والمعجزه(قصه حقيقيه)

حوار شيق للراحل حسن عابدين
 من مسلسل فى حاجه غلط 

 حوار ممتع من مسلسل فى حاجه غلط 
بين الراحل حسن عابدين والممثل 
مجدى إمام  

حسن عابدين : طبعًا انت عارف

معزة والدك الله يرحمه كانت

عندي إيه ..

 وانت كمان يا زكي معزتك من

معزة سامي إبني ..

= وده العشم دايمًا يا عمي

حسن عابدين : أرجوك يا إبني ..

 تفتحلي قلبك وتجاوبني بصراحة ..

 أنا راجل كبرت في السن وعاوز

 اعرف شباب الأيام دي بيفكر

إزاي ..

 لحسن مش عارف أتفاهم مع

سامي إبني أبدًا ..

= وانا تحت أمرك يا عمي

حسن عابدين :  انت ليه يا إبني

 مكملتش دراستك ودخلت

الجامعة بدل حكاية فرقة

 المهاويس دي ؟

= أخُد شهادة جامعية عشان 

أتوظف بيها يعني ؟!

حسن عابدين : مش شرط إنك

تاخُد الشهادة الجامعية عشان

تتوظف بيها ..

= متأخذنيش في دي الكلمة

يا عمي أومال هاخُد شهادة

 جامعية أعمل بيها إيه أعلقها

في الصالون بتاع بيتنا ؟!

حسن عابدين : أنا عارف إنكم

 جيل لمض والواحد مايخُدش

 منكم غير التريقة ..

 يا إبني العِلم مفتاح بيفتحلك

 أبواب الرزق في الحياة ..

 فرق كبير أوي بين إنك تبقى

 مُتعلم وبين إنك تبقى حٖـ ـاهل ..

= طيب يا عمي .. العقاد مثلًا

 مكملش تعليمه ومع ذلك كان

من أكبر الأدباء في مصر

حسن عابدين : يا إبني العقاد

ده كان حالة شاذة وكان عنده

 موهبة ثم إنه فضل يعلم في

 نفسه وهو بيطلع في الروح ..

= طب ومين قال لحضرتك

 يا عمي إني معنديش موهبة ؟!

حسن عابدين : موهبة المهاويس ؟!

 يا إبني سيبك من الكلام

 الفارغ ده وكمل في دراستك

 الجامعية أحسن ..

= أولًا يا عمي فرقة المهاويس

مش كلام فارغ أبدًا ..

 إحنا بنسعِد الناس بمزيكتنا

 وبنقبض أجرتنا على كده ..

 أجرتنا اللي خلت كل واحد

 فينا بيتحمل مسؤولية عيلة

 بحالها ..

ولا حضرتك نسيت يا عمي ..

 إن المرحوم والدي الله يرحمه

 فاتلي أمي وتلات بنات متشعلقين

 في رقبتي ..

حسن عابدين : كان الله في عونك

يا إبني ..

 وانا بهنيك من كل قلبي ..

 جايز أنا غلطت نفسي دلوقتي

 وانا بناقشك لخوفي إن سامي

 يقلدك ..

= سامي يقلدني !

 بالعكس سامي ده شخصيته

 قوية

وعشان كده أحلامه كبيرة ..

حسن عابدين : ما هي الأحلام دي

 اللي هتوديه في داهيـ ـة ..

 تصور يا زكي يا إبني بسلامته

 عاوز يسافر أمريكا قبل

ما يكمل تعليمه ..

 أرجوك يا إبني تفهمه إنه

غلطان ..

= يا عمي سامي من ساعة

 الدكتور كمال أخوه ما سافر

وهو بيعتبر الدكتور كمال ده

مثله الأعلى بالنسباله ومن

ساعتها وهو كل أحلامه

 إنه يسافر لأمريكا ..

 وأعتقد يا عمي إن مش

من حقك تمنعه من تحقيق أحلامه ..

- حسن عابدين : لأ أنا من حقي

 كأب أفوقه من الأحلام دي ..

= إزاي يا عمي ؟!

حسن عابدين : إني أمنعه من السفر

= الإنسان يا عمي من الصعب

 تغير تفكيره بالتهديد والخوف

 لكن بالمنطق والإقتناع سهل

 أوي إنه يغير أفكاره ، جايز

حضرتك بسلطتك كأب إنك

تمنع سامي من السفر وصحيح

إن سامي هيفضل مع حضرتك

هنا بجسمه بس لكن أحلامه

وأفكاره عمرك ما هتقدر

 تحبسها أبدًا ..

حسن عابدين : يا إبني انت لسة

 مبقتش أب عشان تحس بخوف

 الأب على إبنه ..

= يا عمي خلي سامي يتعلم العوم

 عوم ! وإيه دخل العوم في

 اللي احنا بنتكلم فيه دلوقتي ؟!!

= زمان يا عمي وانا صغير

 في البلد كان دايمًا أبويا يخاف

 عليا أوي ودايمًا يقولي

« إوعى تروح جمب الترعة

 يا زكي لتغـ ـرق ..

 إوعى تروح جمب الترعة

 يا زكي لتغـ ـرق »..

 خالي طبعًا معجبوش الكلام

 ده وفي يوم راح مَسكني وهوب

راح راميني في الترعة قصاد

 أبويا ..

 فضل أبويا يصرخ ويولول

 يصرخ ويولول وانا بيني وبينك

يا عمي من حلاوة الروح

فضلت أضبش أضبش لغاية

ما وصلت لشط الترعة ..

 ساعتها أبويا مسِك خالي

 وقاله :

« كده كنت هتـ ـغرق الولد ؟!! »..

 ساعتها سمعت الحكمة اللي

 عمري ما هنساها أبدًا ..

حسن عابدين : حكمة إيه دي بقى

 اللي ممكن يقولها واحد مجنـ9ن

 زي خالك بيرمي عيل في الترعة ؟!

= مُنتهى الثقة يا عمي خالي

 راح واقف وقايل لابويا

 « يا سبعاوي إرمي إبنك

في البحر يتعلم العوم وحده »..

ومن يومها وانا إتعلمت العوم

ومخوفتش من الترعة ، ومن

ساعة ما ابويا ما مـ|ت الله يرحمه

وانا شيلت مسؤولية البيت بداله ..

 يا عمي خلي سامي يرمي نفسه

 في البحر عشان يتعلم العوم بدل

ما بعد كده يغـ ـرق في شبر مَايَّة ..

 

(في حاجة غلط ) ١٩٨٣ "

 النجم الكبير حسن عابدين